كنتي بتسميني نفسك

كنتي بتسميني نفسك
فاكره يا حلوه كلامك
كنت اسهر ليل بطوله
وتلاقيني في منامك
وفي الصباح تلاقيني بدري
مستني يوصل سلامك
في النهار تلاقيني ماشي
لاجل تلاقيني امامك
في الزعل تلاقيني احزن
والفرح بيكون علشانك
والكلام الحلو يخرج
من لساني او لسانك
كلمة احبك بيها بيدق
قلبي علي الحانك
ونعبر بها دايما
عن غرامي او غرامك
كنت اتمني اغير يوم
زماني او زمانك
او اوقف الارض لحظه
وتلاقيني في احضانك
او اعيش دوما في قلبك
او تخبيني عيونك
وللعيون السود اغني
وللشفايف او خدودك
والشعور الناعمه دايما
طولها بيغطي نهودك
لو وصفت الباقي يمكن
اخرج عن حدودي او حدودك
كنت دايما انت حلمي
كنت دايما في خيالك
كنت اخاف علي نفسي دوما
مش علشاني لكن علشانك
كنت اتحمل عواصفك
كنت اتحمل جنانك
كنت اكدب لسانك
لو تقولي قلبي خانك
كنت نفسك يا حبيبي
كنت اتعري امامك
بالكلام بس ياروحي
مش كلامي ده كلامك

رضا ابو شنب
٢٥/١/٢٠١٨