فينك يا بويا

اذهب الى الأسفل

فينك يا بويا

مُساهمة من طرف Admin في السبت يناير 20, 2018 9:27 pm

فينك يا بويا
فايتني لمين
انا من بعدك
شوفت الويل
شوفت الدنيا
غريبه وصعبه
شوفت بلاوي
تهد الحيل
شوفت اخويا
بينهش لحمي
وياه اختي
وناس تانيين
شوفت الدنيا
بتيجي عليا
شوفت الظلم
من الظالمين
شوفت غدر
اعز اصحابي
شوفت المال
بيغير مين
شوفت الورث
بيكلوه مني
وانا كان ذنبي
اني امين
فينك يا بويا
فايتني لمين
كنت وراك
انا مستخبي
وانت جبل
عالي ومتين
كنت دايما
شايل همي
وانا كنت العب
نهار او ليل
كنت دايما
فارد صدري
مانا كان ليا
اب جميل
بيقوم بدري
يفضل يلاعبني
ويغطيني في
عز الليل
وياكلني ويحرم نفسه
ويلبسني لبس جميل
ويعلمني ويوصيني
اياك تبقي
من الجاهلين
كان دايما
ضهري وسندي
وكان دايما
حمله تقيل
كان دايما
واقف جنبي وبيحميني
من الخاينين
انا من بعدك
يا بويا خلاص
اخوة يوسف
رموه في البير
قالو عليا
طماع واناني
علشان حبك
ليا كبير
ابتسامتي في
يوم تضايقهم
وبيشمتو فيا
وانا حزين
رغم الحزن
تملي في قلبي
وعلي صبري
كمان حاسدين
ذكراك يا بويا
تملي في قلبي
ذكري جميله
لاب جميل
وبدعيلك دايما
تكون امن
من الامنين
وفي جنة
ربي متهني
ادعو معايا
وقولو امين
.........
اذكرك ودموعي تسيل من الشوق اليك يا احب انسان لقلبي
رضا ابو شنب
٢٠/١/٢٠١٨

Admin
Admin

المساهمات : 21
تاريخ التسجيل : 19/01/2018

معاينة صفحة البيانات الشخصي للعضو http://alprincereda.rigala.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى